Padang, MaestroInfo—Umaik muslim di Indonesia dimintak untuak bahati-hati jo jenis makanan nan manganduang unsur babi. Karano dalam Islam babi tu nyato-nyato haram.
Supayo sanak indak tagijau atau takicuah di nan tarang, makonyo disarankan jan asa mambali makanan nan banamo rancak sarato keren.
Saindak-indaknyo ado sakitar 25 makanan nan manggunokan istilah babi dalam komposisi makanan nan dijua. Apolai katiko sanak sadang barado di lua nageri, dimano hampia kasado restoran menawarkan menu babi tu. Takadang ado babarapo istilah nan jarang disuo di nagari kito, dek karano menggunoan bahaso asiang.
Iko adoh babarapo istilah babi nan biaso dipakai dalam komposisi makanan.
1. Pig: adolah saikua babi mudo, barek kurang dari 50 kilogram.
2. Pork: dagiang babi dalam masakan.
3. Swine: istilah untauk kaseluruhan kumpulan spesies babi.
4. Hog: babi gadang atau dewasa, barek malebihi 50 kilogram.
5. Boar: babi lia/ciliang/babi hutan
6 Lard: lamak babi untuak mambuek minyak masak sarato sabun.
7. Bacon: dagiang binatang nan di-slice, tautamo babi.
8 Ham: dagiang pado bagian paho babi.
9. Sow: babi batino dewasa.
10. Sow milk: susu babi
11. Porcine: sesuatu nan bakaitan atau barasal dari babi, banyak ditemui di obat-obatan.
12. Bak: dagiang babi dalam Bahaso Tiongkok.
13. Char Siu: dagiang babi panggang (barbeque).
14. Cu Nyuk: dagiang babi dalam Bahaso Khek/Hakka.
15. Zhu Rou: dagiang babi dalam Bahaso Mandarin.
16. Dwaeji: dagiang babi dalam Bahaso Korea.
17. Tonkatsu: irisan dagiang babi dalam kuliner Jepang.
18. Tonkotsu: ramen nan dilengkapi jo daging babi.
19. Yakibuta: babi panggang dalam Bahaso Jepang.
20. Nuraniku: daging babi dalam Bahaso Jepang.
21. Nibuta: hidangan dari kuduak babi di Jepang.
22. B2: sabutan makanan nan babahan babi di Indonesia.
23. Khinzir: babi dalam Bahaso Arab dan Melayu.
24. Kakuni: makanan dari peruik babi rebus dalam kuliner Jepang.
25. Baikwan: iga babi
0 Komentar